| التاريخ: |
|
| العنوان: |
أم وأربعة أطفال بلا عائل وبحاجة لشقة إيجار قديم ومشروع |
| التفاصيل: |
تحديث التنويه :31/12/2008
بفضل الله تعالى تم الاتى:
-توفير شقة ايجار قديم للاسرة.
-عمل مشروع صغير ( بقالة )
وعلى ذلك نغلق التنويه.
خالص الشكر لكل من ساهم في هذه الحالة.
تقبل الله منا ومنكم
وجزاكم الله خير الجزاء.
ـــــــــــــــــــــــــــــــــــــــــــــــــــــــــــــــــــــــــــ
أنا اسمي ___ وعندي 12 سنة وأختي ___ عندها 11 سنة وليا أخين أصغر مني.
زمان وأنا صغيرة أفتكر إني كنت عايشة كويس أوي. بابا (الله يرحمه) كان سواق نقل وكانت حياتنا حلوة وعايشين في شقة كبيرة لكن من كام سنة بابا مات في حادثة وما كانش فيه تأمينات ولا معاش والشقة اللي كنا قاعدين فيها كانت بتاعة جدتي وسبناها بعد وفاة بابا الله يرحمه.
أنا وأخ تاني ليا سبنا المدرسة عشان نساعد ماما في المصاريف. ماما اضطرت تنزل تشتغل في البيوت عشان تصرف علينا. لكن من فترة ربنا ابتلاها بالسكر والضغط. فمجهودها قل ودلوقتي بتشتغل يوم واحد في الأسبوع وأنا باساعدها وبشتغل برضه في البيوت عشان أساعد في المصاريف.
الحمد لله احنا راضيين بكل حاجة لكن المشكلة هي إننا ساكنين في شقة إيجار جديد ب 175 جنيه في الشهر في الدور الخامس والمية تقريبا مش موجودة على طول وعاوزين نتنقل إلى سكن تاني يلمنا ويكون أرخص شوية وإيجار قديم وما يكونش عالي قوي عشان ماما اللي حالتها بقت صعبة خالص وبتروح المستشفى كل شوية.
إحنا دورنا في إمبابة عشان نكون جنب قرايبنا لكن للأسف الشقة على الطوب الأحمر وبدون بلاط مطلوب ليها من 3000 : 4000 جنيه وإيجار من 100 إلى 150 جنيه في الشهر والمبلغ المقدم مش معانا طبعا.
عارفين؟ نفسي كمان في أي مشروع صغير لماما زي فرشة خضار أو بقالة صغيرة.
على فكرة نسيت أقولكم إن اختي الصغيرة اللي لسه في المدرسة بتعلمني القراية والكتابة.
اخوتنا في الله هذا التنويه بمثابة دعوة للصدقة الجارية للمساعدة في مقدم الشقة وتشطيبها وعمل مشروع للأم يسد بها حاجتها للخدمة بالبيوت هي وبناتها. فهل من ملب للدعوة؟؟؟
للاستفسار والمساهمة رجاء الاتصال بمحمود فوزي في رقم 0103815516
جزاكم الله خيرا...
|
| المرجع: |
معرفة شخصية |
| الوصلة: |
|
| حالة التنويه: |
تم الانتهاء منه
|
